Tilshiler, televızııa qyzmetkerleri, memleket jáne qoǵam qaıratkerleri men estrada juldyzdaryna qosa saltanatty keshke qazaq televızııasynyń ardagerleri de shaqyryldy.
Aǵymdaǵy jylǵy báıgege 14 nomınasıaı boıynsha ótinimder qabyldaý 15-qańtar men 1-naýryz aralyǵynda júrgizildi. Olardyń ishinde qazaq televızııasynyń 60 - jyldyǵy men Astananyń 20 jyldyǵyna arnalǵan erekshe nomınasııalar bar. Sonymen qatar «Úzdik operatorlyq jumys», «Jydyń úzdik telejúrgizýshisi», «Jyldyń úzdik telejýrnalısi», «Úzdik rejısserlik jumys» jeke nomınasııalary.
«Tumarǵa» ótinimderdi qabyldaý tolyǵymen avtomattandyrylyp, kaztube.kz portalynyń negizinde júzege asyrylǵan bolatyn. Báıgege qatysýshylardyń asa joǵary belsendilikterin atap ótý kerek. О́tinimderdi qabyldaý kezeńinde kaztube.kz portalyna kirýshiler sany 80%-ǵa ósti, al ótinimder sany byltyrǵy kórsetkishke qaraǵanda 1,6 esege artty (240 ótinim).
2018 jyly «Tumarǵa» 397 konkýrstyq jumys kelip tústi. Olardyń ishinde qazylar alqasy Báıge erejesiniń talaptaryna sáıkes resimdelgen 355 konkýrstyq ótinimdi qaraýǵa qabyldady.
О́ńirlik turǵyda Aqtóbe, Almaty, Qaraǵandy, Batys jáne Shyǵys Qazaqstan oblystarynyń telearnalary kóbirek belsendilik tanytty.
Nomınanttar arasynan eń kóp qabyldanǵan jumystar kelesi nomınasııalarda: «Úzdik derekti kıno», «Úzdik aǵartýshylyq baǵdarlama», «Úzdik áleýmettik baǵdarlama», «Úzdik oıyn-saýyq jobasy».
Báıgeniń qazylar alqasyna jýrnalıstıka men teleradıo habar taratý salalaryndaǵy kásibı, joǵary bilikti sarapshylar kirdi.
Esterińizge sala ketsek, «Tumar» ulttyq televızııalyq báıgesi Qazaqstan Respýblıkasynyń Aqparat jáne kommýnkıasııalar mınıstrligi tarapynan eń sapaly jáne mańyzdy televızııalyq mazmundy taýyp, dáripteý úshin, talantty professıonaldardy qoldaý jáne otandyq televızııanyń sapalyq standarttaryn arttyryp, qazaqstandyq televızııanyń damýyn qamtamasyz etý maqsatynda qurylǵan bolatyn.
Bıyl báıge ekinshi ret ótkizilýde.
